Wan Kwestin

◼ ?Hu nomo i gat raet blong werem baj blong distrik asembli?

Kad ya blong distrik asembli i impoten tumas. Hem i givhan long yumi blong makemaot ol brata blong yumi mo hem i pulum tingting blong man i go long asembli. Be, kad ya i no blong givimaot olbaot. Kad ya i makemaot man we i putum hem se man ya i gat gudfala nem insaed long wan kongregesen blong ol Witnes blong Jeova.

Long kad ya, i gat ples blong putum nem blong man mo tu, nem blong kongregesen we man ya i kamaot long hem. From samting ya, i stret we man ya i wan we i stap joen plante taem wetem kongregesen we hem i putum long kad ya. Sosaeti i sanem ol kad ya i go long ol wanwan kongregesen. Taem yumi tingbaot samting ya, maet i stret blong givim kad ya long olgeta we oli baptaes finis mo olgeta pablisa we oli no baptaes yet. Ol pikinini mo ol narafala we oli stap kam oltaem long ol miting, mo olgeta we oli stap gohed gud mo oli gat mak blong joen long wok blong prij, olgeta ya tu oli save kasem baj ya. I no stret blong givim kad ya long wan man we kongregesen i sakemaot hem.

Taem kongregesen i kasem ol kad ya, ol elda oli mas meksua se evriwan i folem ol rul ya taem oli stap givimaot kad ya.