?Yumi Tokbaot Wanem Long Ol Magasin?

Wajtaoa Sept. 15

“Long olgeta skul, i gat sam man we oli laekem tumas trutok. Be yumi luk we ol skul oli stap seraotem ol man. ?Yu ting se i nidim wanem blong mekem ol gudfala man oli joengud? [Wet long ansa, nao ridim Sefanaea 3:9.] Magasin ya i soemaot olsem wanem save blong trufala God i stap mekem fulap man oli joengud long olgeta ples blong wol.”

Wekap! Sept. 22 (Inglis/Franis)

“Plante long yumi we i gat fulap kakae, oli no stap tingbaot se maet i gat wan taem we bambae kakae i sot. Be naoia i gat wari i stap se maet wok blong ol sayentis i stap spolem kakae blong yumi evriwan. Magasin ya i tokbaot sam long ol wari ya, mo i tokbaot rod we Baebol i makemaot blong stretem trabol ya.”

Wajtaoa Okt. 1

“Maet yu agri se bilif long God i no moa wan samting we plante man oli wantem tokbaot. ?From wanem i olsem? [Wet long ansa, nao ridim Hibrus 11:1.] Magasin ya i tokbaot mining blong trufala bilif, mo sipos i impoten we yumi gat.”

Wekap! Jul./Sept. (Bislama)

“Yumi wantem givim wan gudfala edukesen long ol pikinini blong yumi, from we biaen, bambae oli save kasem wan gudfala laef. ?Be olsem wanem? ?Yu ting se Baebol tu i save tijim ol man blong oli mekem laef blong olgeta i kam moa gud? [Letem man i ansa, mo soemaot pej 7.] Ol Witnes blong Jeova oli wokem ol buk ya long Bislama from we Baebol nomo i givim promes blong kasem laef we i no save finis.”