?Yumi Tokbaot Wanem Long Ol Magasin?

Wajtaoa Sept. 1

“Mifala i glad blong save tingting blong yu long wan samting we Jisas i talem. [Ridim Matiu 5:5, futnot.] ?Taem promes ya i kamtru, yu ting se laef long wol ya bambae i sem mak olsem tede? [Letem man i ansa.] Magasin ya i yusum ol tok blong Baebol blong soemaot olsem wanem Jisas bambae i jenisim wol ya. Mo hem i eksplenem hu nao we God bambae i givim wol ya long olgeta.”

Wekap! Sept. (Franis/Inglis)

“Plante man oli bilif se i gat wan God we i wokem yumi. Sam narafala oli bilif se yumi kamaot from evolusen. ?Wanem tingting blong yu? [Letem man i ansa.] Makemgud advaes we Baebol i givim long ples ya. Hem i save halpem yumi blong kasem stret tingting long saed ya. [Ridim Job 12:7, 8.] Spesel Wekap! ya i tokbaot samting we yumi save lanem from ol samting we oli stap raonabaot long yumi, we oli soemaot waes mo oli wok folem wan plan.”

Wajtaoa Okt. 1

“?Yu ting se i impoten long tingting blong God we yumi stap tru long hasban no waef blong yumi? Plis ridim samting we vas ya i talem long saed ya. [Ol Proveb 5:18] Magasin ya i givhan long yumi blong kasem save olsem wanem hasban mo waef tufala i save gohed blong lavlavem tufala.”

Wekap! Okt./Dis. (Bislama)

“Klosap evri man oli laekem blong wajem televisin. ?Be yu ting se yumi mas jusum gud wanem we yumi wajem? [Letem man i ansa. Biaen, ridim Ol Proveb 13:20.] Magasin ya i tokbaot wanem we televisin i save mekem long yumi, mo hem i givim advaes olsem wanem yumi save bos long televisin.”