?Yumi Tokbaot Wanem Long Ol Magasin?

Wajtaoa Sept. 15

“Plante milian man oli talem ol tok ya we man i save gud long ol prea blong olgeta. [Ridim Matiu 6⁠:10.] ?Yu yu ting se laef bambae i olsem wanem taem ol samting we God i wantem oli kamaot fulwan long wol ya? [Letem man i ansa.] Magasin ya i eksplenem mining blong ol wanwan haf blong Lodsprea ya wetem hemia we yumi jes ridim tu.”

Wekap! Sept. 22 (Inglis/Franis)

“Plante man oli wari from wan trabol we i stap kam antap, long ol yangfala​—⁠hemia fasin ya we oli kam wanples blong drong. ?Yu bin harem samting ya? [Letem man i ansa. Biaen ridim Ol Proveb 20⁠:1.] Fasin ya blong drong i pulum ol yangfala blong mekem plante nogud samting. Haf ya i tokbaot sam advaes we i save halpem ol yangfala blong blokem filing ya blong wantem drong.”

Wajtaoa Okt. 1

“Yumi evriwan i stap wet longtaem finis blong luk taem ya we fasin blong brekem loa, raf fasin, mo ol faet i finis. ?Yu ting se samtaem bambae yumi save luk ol tok blong vas ya oli kamtru? [Ridim Ol Sam 37⁠:11. Letem man i ansa.] Magasin ya i tokbaot olsem wanem promes ya i joen wetem stamba tingting blong God long saed blong fiuja blong ol man mo olsem wanem yumi save stap long taem ya.”

Wekap! Jul./Sept. (Bislama)

“Plante man oli harem nogud tumas from we oli stap faet blong lego ol fasin we i nogud, be oli harem se oli no moa gat paoa blong winim ol fasin ya. ?Yu yu ting se yumi naf blong winim ol nogud tingting mo fasin? [Wet long ansa. Nao ridim 1 Korin 10:13] Long pej 18 blong magasin ya bambae yu faenem wan ansa we yumi save trastem.