?Yumi Tokbaot Wanem Long Ol Magasin?

Wajtaoa Sept. 15

“Tede, sam hasban mo waef oli harem se oli stap kalabus long wan mared we i no gat lav long hem. ?Wanem samting nao i save halpem ol man olsem? [Letem man i ansa.] Baebol i talem stret se ol rul blong God nao oli save halpem yumi. [Ridim Aesea 48⁠:​17, 18.] Wajtaoa ya i tokbaot sam rul blong Baebol we oli save mekem mared i stap longtaem.”

Wekap! Jul./Sept. (Bislama)

“Yumi evriwan i haremgud we God i save fogivim yumi long plante samting. Tru, hem i lego prapa pikinini blong hem Jisas blong hem i ded from yumi. Be Baebol i talem tu se i gat wan sin we God i no save fogivim. ?Ating yu ridim finis tok ya? [Letem man i ansa. Ale ridim Matiu 12⁠:31.] Long pej 14, magasin ya i eksplenem mining blong tok ya blong Jisas.”

Wajtaoa Okt. 1

“Samtaem yu bin askem se: ‘?Sipos God i gat lav mo i gat olgeta paoa, from wanem hem i no karemaot trabol we i mekem man i safa?’ [Letem man i ansa.] I no longtaem bambae God i finisim olgeta trabol. [Ridim Aesea 65⁠:17.] Go kasem taem ya, God i no stap lukluk nomo ol man we oli stap safa, olsem we hem i no kea nating. Magasin ya i tokbaot samting ya.”

Wekap! Okt. 8 (Franis/Inglis)

“?Yu harem plante man blong mekem maket oli talem se naoia oli no moa stap winim naf mane blong pem evri samting we oli nidim? [Letem man i ansa.] Wekap! ya i tokbaot problem ya mo promes blong Baebol long saed blong wan fiuja we i gud. [Ridim Ol Sam 72⁠:16.] Mi glad blong kambak bakegen blong storian wetem yu long saed blong rod we God bambae i yusum blong mekem promes ya i kamtru.”