?Yumi Tokbaot Wanem Long Ol Magasin?

Wajtaoa Sept. 1

“?Yu luksave se laef naoia i no olsem bifo, from we long plante ples ol man oli no moa kea long ol man raonabaot long olgeta? [Letem man i ansa.] Jisas i bin tokbaot wan rul we i impoten blong folem sipos yumi kea long ol man raonabaot long yumi. [Ridim Matiu 7:​12.] Ol haf ya oli soem olsem wanem yumi save soemaot se yumi kea long ol man raonabaot long yumi mo olsem wanem blong pulum ol narafala tu blong mekem olsem.”

Wekap! Sept. 8 (Inglis/Franis)

“Plante man tede oli no sua long fiuja blong olgeta. [Ridim Prija 9:​11.] ?Weples bambae yumi faenem advaes we yumi save trastem? [Letem man i ansa.] Sam man oli traem yusum ol namba blong faenemaot fiuja blong olgeta. ?Yu ting se hemia rod blong save fiuja blong yu? Sipos yu wantem save weples blong faenem infomesen we yu save trastem long saed blong fiuja blong yu, magasin ya i givim ansa.”

Wajtaoa Sept. 15

“Plante milian man oli bilif se ‘ol tabu man’ oli gat spesel paoa, mo i gud blong prea long God tru long olgeta. ?Wanem tingting blong yu? [Letem man i ansa.] Makem wanem we Jisas Kraes i bin talem. [Ridim Jon 14⁠:⁠6.] Toktok ya i mekem sam man oli gat kwestin long saed blong fasin blong prea tru long ‘ol tabu man.’ Magasin ya Wajtaoa, i tokbaot impoten bisnes ya.”

Wekap! Sept. 22 (Inglis/Franis)

“Plante man tede oli stap wari from wok blong ol teroris, speseli long saed blong ol tul we oli yusum blong pasem ol jem we i save kilim plante man i ded. ?Yu ting se ol gavman oli save mekem we i no moa gat ol teroris i stap long wol ya? [Letem man i ansa.] Baebol i soemaot wanem we God bambae i mekem. [Ridim Esikel 34⁠:28.] Magasin ya i tokbaot sam long ol poen ya.”