?Yumi Tokbaot Wanem Long Ol Magasin?

Wajtaoa Jan. 15

“Plante man oli yusum ol aedol taem oli mekem wosip. ?Yu yu ting se ol aedol oli gat paoa blong sevem man? [Letem man i ansa.] Yu luk wanem samting we trufala God bambae i mekem long yumi. [Ridim Revelesen 21:​3, 4.] Trufala God nomo i save mekem samting ya. magasin ya i soemaot se trufala God hem i hu, mo olsem wanem yumi save kasem blesing taem yumi trastem hem.”

Wekap! Jan. 22 (Inglis/Franis)

“Maet yumi neva tingbaot se yumi laki tumas blong gat wan haos. Be long ful wol, i gat plante milian refuji we oli stap wokbaot oltaem, mo oli neva faenem wan sefples blong oli stap gud long hem. Magasin ya, Wekap! i tokbaot from wanem problem ya i stap, mo i tokbaot tu, promes we Baebol i givim se bambae evriwan i gat prapa haos blong hem.”

Wajtaoa Feb. 1

“Plante man oli wari from ol samting we i stap spolem win, wota mo laef long wol. ?Be samtaem yu stap tingbaot se i gat sam samting we oli save spolem tingting blong man tu? [Letem man i ansa.] Baebol i tokbaot se i impoten blong stap klin long saed blong bodi mo long saed blong spirit. [Ridim 2 Korin 7⁠:⁠1.] Mi sua se ol toktok insaed long magasin ya bambae i givhan long yu.”

Wekap! Jen./Maj (Bislama)

“Long tingting blong plante man, prea i jes wan kastom no wan fasin blong ol man blong jos, be i no rili gat mining. ?Yu yu ting se prea i rili save givhan long yumi? Mi laekem blong givim Wekap! ya long yu. Stat long pej 15 hem i tokbaot se prea i save givhan long yumi long fo defren rod.