?Yumi Tokbaot Wanem Long Ol Magasin?

Wajtaoa Jen. 1

“Taem wan fren no famle i ded no taem yumi sik, plante taem yumi askem se, ‘?From wanem God i letem samting ya i hapen?’ Ating samtaem yu bin tingbaot kwestin ya. Baebol i soem se God i sore long olgeta we oli safa. [Ridim Aesea 63:9a.] Wajtaoa ya i eksplenem from wanem yumi sua se God bambae i finisim ol samting we oli mekem man i safa.”

Wekap! Jen. 8 (Inglis/Franis)

“?Yu yu ting se i stret we ol gavman oli blokem man blong i no fri blong talemaot tingting blong hem? [Letem man i ansa.] ?Olsem wanem nao sipos oli blokem ol man blong oli no moa serem bilif blong skul blong olgeta wetem ol narafala, olsem we Baebol i talem se Pol i mekem? [Ridim Ol Wok 28:30, 31.] I no longtaem i pas, kwestin ya i go long U.S. Saprim Kot. Yu save ridim stori blong hem long Wekap! ya.”

Wajtaoa Jen. 15

“Long ol yia we oli pas, ol man oli kilim plante milian narafala man i ded. ?Wanem tingting blong yu? ?Yu ting se samting ya i soemaot we ol rabis fasin oli winim ol gudfala fasin finis? [Letem man i ansa.] Makem wanem we Baebol i talem long saed blong God. [Ridim Ol Sam 83:18b.] ?Sipos God i hae King blong olgeta ples long wol, yu ting se rabis fasin i save win? [Letem man i ansa.] Wajtaoa ya i givim stret ansa long kwestin ya.”

Wekap! Jen. 22 (Inglis/Franis)

“Naoia, bitim olgeta yia bifo, ol man oli no moa sef. Wan samting we plante man oli stap wari long hem naoia, hemia oli kolem fasin blong stilim nem blong narafala. ?Yu yu harem nius blong samting ya finis? [Letem man i ansa.] Baebol i promes we wan dei, man bambae i no moa nid blong wari long ol samting olsem. [Ridim Aesea 11:9.] Magasin ya i eksplenem olsem wanem God bambae i mekem samting ya.”