?Yumi Tokbaot Wanem Long Ol Magasin?

Wajtaoa Jen. 1

“?Yu yu save se taem Baebol i tokbaot laef bakegen, hem i talem se samfala bambae oli girap bakegen fastaem long ol narafala? [Letem man i ansa mo soem 1 Tesalonaeka 4:16.] Yu makem se samfala bambae oli laef bakegen fastaem. Hemia i min se sam narafala bambae oli girap bakegen biaen long olgeta ya. Magasin ya i eksplenem hu ya ol man ya, mo olsem wanem samfala oli girap fastaem long ol narafala.”

Wekap! Jen./Maj (Bislama)

“Samfala oli ting se ol trabol we oli kamaot oli fol blong God. Taem wan trabol i kamaot mo sam man oli ded from, ol man oli ting se God i gat wan gudfala risen blong mekem trabol ya i kamaot. ?Wanem tingting blong yu? [Letem man i ansa. Biaen, ridim Jemes 1:13.] Magasin ya i soem tok blong Baebol se from wanem ol man oli stap harem nogud mo wanem samting God i stap mekem blong finisim ol trabol.”

Wajtaoa Feb. 1

“Plante man oli ting se God i no tingbaot yumi. ?From wanem oli tingting olsem? [Letem man i ansa.] Makem wan risen we magasin ya i soemaot. [Ridim haf 5 long pej 3.] Yes, God i stap tingbaot yumi. Hemia wan long ol trufala tijing blong Baebol. Haf ya i eksplenem sam long ol tijing ya.”

Wekap! Feb. (Franis/Inglis)

“Long sam ples, tingting blong ol man i jenis long saed blong ol jos. ?Yu ting se ol jos oli stap lusum paoa blong olgeta? [Letem man i ansa.] Ol tok ya blong aposol Pol i talem from wanem samfala oli no moa trastem ol jos. [Ridim Ol Wok 20:​29, 30.] Magasin ya i soem wanem samting Baebol i talem se bambae i kasem ol skul we oli talem se oli Kristin.”