?Yumi Tokbaot Wanem Long Ol Magasin?

Wajtaoa Jen. 1

“Plante man tede oli bilif se Kingdom blong God i stap long hat blong yumi. ?Yu yu agri wetem tingting ya? [Letem man i ansa mo ridim Daniel 2:44.] Magasin ya i soemaot se i no gat wan vas blong Baebol we i sapotem tijing ya se Kingdom blong God i stap insaed long hat blong man. Defren olgeta, Kingdom ya i wan trufala gavman we bambae i finisim ol trabol long wol.” Soem haf we i stap long pej 32.

Wekap! Jen./Maj

“From we ol man nao oli raetem Baebol, sam man oli talem se ol tok blong Baebol oli kamaot long waes blong man nomo. ?Wanem tingting blong yu? [Letem man i ansa. Nao ridim 2 Pita 1:21.] Magasin ya i soemaot olsem wanem God i yusum ol man ya blong oli raetem tingting blong hem, i no tingting blong olgeta.” Soem haf we i stap long pej 10.

Wajtaoa Feb. 1

“Sam man oli ting se olgeta we oli gat sore, oli ol slak man mo oli no gat paoa. ?Yu yu agri long samting ya? [Letem man i ansa mo ridim Kolosi 3:12.] Magasin ya i soemaot from wanem i impoten blong soem sore long wan wol we i fulap long fasin nogud.”

Wekap! Jen./Maj

“Oli finisim blong raetem Baebol bitim 1,900 yia bifo finis, be hem i stapgud kam kasem taem blong yumi, hemia i wan merikel ya. ?Yu yu save olsem wanem Baebol i stapgud kam kasem long taem blong yumi? [Letem man i ansa.] Makem wanem we magasin ya i talem long saed ya.” Tokbaot haf we i stat long pej 12.