?Yumi Tokbaot Wanem Long Ol Magasin?

Wajtaoa Jen. 15

“Yumi evriwan i wantem se yumi mo ol pikinini blong yumi, yumi gat wan gudfala laef. Be plante man oli harem se oli no gat paoa blong mekem laef blong olgeta i kamgud olsem. ?Yu yu ting se yumi save bos long fiuja blong yumi? [Letem man i ansa.] Magasin ya i givim tingting blong Baebol se yumi gat paoa blong kasem wan gudfala laef, be fiuja blong yumi i dipen nomo long ol disisen we yumi stap mekem naoia.” Ridim Dutronome 30⁠:⁠19.

Wekap! Jen. 22 (Inglis/Franis)

“Yumi evriwan, taem yumi kasem sik, yumi glad sipos yumi save faenem wan dokta we i tingbaot filing blong yumi. ?Be yu ting se ol sikman oli stap tingbaot filing blong ol dokta tu? [Letem man i ansa.] Magasin ya i tokbaot ol traem we ol dokta oli fesem, mo wanem i save hapen long wok blong olgeta long fiuja.” Ridim Aesea 33⁠:⁠24.

Wajtaoa Feb. 1

“?Olsem wanem? ?Yu yu harem nogud taem yu luk ol man we oli gat paoa tede oli stap mekem i strong tumas long ol narafala mo oli raf long olgeta? [Tokbaot wan samting we i hapen long ples blong yufala, mo letem man i ansa.] Magasin ya i tokbaot tingting blong God long saed blong laef blong man. Hem i eksplenem tu, olsem wanem bambae hem i finisim fasin safa tede.” Ridim Ol Sam 72⁠:​12-14.

Wekap! Jen./Maj (Bislama)

“?Bambae yu yu ansa olsem wanem long kwestin ya? [Ridim kwestin we i stap long faswan pej blong magasin. Biaen letem man i ansa.] Ol gudgudfala samting we God i wokem raonabaot long yumi oli stap lus kwiktaem nomo. Be, makem promes ya we i leftemap tingting blong yumi. [Ridim Ol Sam 104:⁠5.] Wekap! ya i eksplenem olsem wanem bambae wol blong yumi i kamgud bakegen i no longtaem.”