?Yumi Tokbaot Wanem Long Ol Magasin?

Wajtaoa Jen. 1

“Bighaf blong ol man oli wantem mekem ol gudfala samting, be ol rabis samting oli stap kam antap moa long evri ples. ?Wanem ol samting we i stap blokem olgeta blong mekem i gud? [Letem man i ansa.] Magasin ya i soem se folem Baebol, i gat tri bigfala samting we i stap blokem ol man, mo we God bambae i tekemaot. ?Yu yu wantem save wanem trifala samting ya?” Ridim haf we i kam biaen long smol stamba tok long pej 6.

Wekap! Jen./Maj (Bislama)

“Tede yumi save kasem advaes long evri samting. ?Yu ting se yumi save trastem olgeta advaes ya? [Letem man i ansa. Biaen, ridim 2 Timoti 3⁠:16.] Wekap! ya i soemaot se yumi save lukluk i go long Baebol blong kasem gudfala waes, mo i soemaot from wanem yumi save trastem waes ya.” Tokbaot haf ya we i stat long pej 26.

Wajtaoa Feb. 1

“Long ol yia we oli jes pas, plante moa man oli intres long ol enjel. ?Samtaem yu yu stap tingbaot se ol enjel oli hu, mo olsem wanem oli gat paoa long laef blong yumi? [Letem man i ansa. Biaen, ridim Ol Sam 34⁠:⁠7.] Magasin ya i tokbaot save blong Baebol long saed blong wok blong ol enjel​—⁠bifo, tede, mo long fiuja.”

Wekap! Feb. (Franis/Inglis)

“Plante long yumi we sam famle no fren blong olgeta oli olfala, oli stap tingbaot, olsem wanem oli save givhan long olgeta blong oli save winim ol traem we oli kasem taem oli kam olfala. ?Yu yu stap tingbaot samting ya? [Letem man i ansa.] Magasin ya i tokbaot sam samting we yumi save mekem blong yumi no harem nogud tumas taem yumi stap kam olfala. Mo tu, hem i eksplenem olsem wanem profet tok ya bambae i kamtru.” Ridim Job 33⁠:25.