?Yumi Tokbaot Wanem Long Ol Magasin?

Wajtaoa Feb. 15

“?Yu yu bin tingbaot wanem nao beswan samting blong lidim laef blong yu mo blong halpem yu blong mekem ol impoten disisen? [Letem man i ansa.] Sam long ol beswan advaes, olsem Golden Rul, i stap long Baebol. [Ridim Matiu 7:12.] ?Wanem sam narafala rul we God i givim we oli save givhan long yumi? Bambae yu faenem ansa long magasin ya.”

Wekap! Feb. 22 (Inglis/Franis)

“Maet yu yu luksave se plante ples blong wok oli no moa sef. Magasin ya i givim sam nambawan advaes olsem wanem yumi save mekem oli kam sef moa. Mo tu, hem i soemaot we yumi mas gat stret tingting long saed blong wok blong yumi sipos yumi wantem harem gud long hem. ?Yu yu glad blong ridim?”

Wajtaoa Maj 1

“From ol samting we i stap hapen long wol tede, plante man oli stap tingbaot wanem bambae i kamaot long fiuja. Long wan prea we ol man oli savegud, Jisas Kraes i bin soemaot from wanem yumi save lukluk i go long fiuja wetem wan tingting we i no fraet. [Ridim Matiu 6:9, 10.] Tede, ol man oli stap mekem ol semfala mastik we ol man blong bifo oli bin mekem. Be long taem bifo ya, olgeta we oli bin mekem wosip long God oli gat wan hapi fiuja. Magasin ya i soemaot olsem wanem yumi save gat wan hapi fiuja tu.”

Wekap! Jen./Maj (Bislama)

“Wota i wan samting we ol man oli no tinghevi long hem, go kasem taem we wota i finis. ?Be ol man oli harem olsem wanem taem oli no gat naf wota? I tru se blong gat gudfala helt mo wan hapi laef, yumi nidim naf wota we i klingud. ?Be wanem sam moa samting long laef we yumi nidim? Magasin ya i tokbaot ol samting ya mo i tokbaot rod blong winim trabol ya.”