?Yumi Tokbaot Wanem Long Ol Magasin?

Wajtaoa Feb.1

“?Yu yu ting se God i gat tangkiu taem yumi traehad blong mekem samting we hem i wantem, mo yu ting se hem i stap blesem yumi from? [Letem man i ansa mo ridim Hibrus 6:10.] Magasin ya i soemaot olsem wanem God i gat tangkiu taem yumi mekem bes blong yumi, nating we yumi sinman nomo. [Openem magasin long pej 18.]”

Wekap! Jen/Maj (Bislama)

“?Yu yu agri se olgeta fasin mo aksen blong yumi i mas leftemap nem blong God ya we i Wokem yumi? [Ridim 1 Korin 10:31. Biaen, letem man i ansa.] Haf ya i soemaot wanem samting we Baebol i talem long saed blong ol strong dring, mo olsem wanem desisen we yumi tekem long saed ya i save leftemap nem blong God.” Tokbaot haf we i stat long pej 18.

Wajtaoa Maj 1

“Bighaf blong ol man we mi storian wetem olgeta oli wari tumas long saed blong ol divos mo ol man mo woman we oli no hapi long mared blong olgeta. ?Wanem tingting blong yu long saed ya? [Letem man i ansa.] Impoten samting we i save winim problem ya, hemia se yumi mas mekem ol advaes blong Baebol i wok long laef blong yumi. [Ridim Efesas 5:28, 29, 33 mo openem magasin long pej 3 mo 8.]”

Wekap! Jen./Maj (Bislama)

“Sam man oli stap asaskem sipos Noa i rili wokem wan bigfala sip. ?Wanem tingting blong yu? [Letem man i ansa.] Vas ya i soemaot bilif blong aposol Pita se eit man oli bin stap sef long sip ya. [Ridim 1 Pita 3:20] Magasin ya i soem se ol man blong bildim sip tede oli luk se plan blong sip blong Noa i laenap wetem plan blong ol bigfala sip we ol man tede oli stap bildim.”