?Yumi Tokbaot Wanem Long Ol Magasin?

Wajtaoa Feb. 15

“Tingting blong plante man i trabol from ol nogud samting we ol man blong skul oli stap mekem. Samfala oli ting se ol skul nao oli stamba blong olgeta trabol long wol. ?Yu bin tingbaot samting ya? [Wet long ansa. Nao ridim Revelesen 18⁠:24.] Magasin ya i tokbaot wanem we Baebol i talem long bisnes ya.”

Wekap! Feb. 22 (Inglis/Franis)

“Plante man oli laekem tumas blong stadi long fasin blong ol anamol, mo samfala oli laekem blong fidim anamol mo lukaot long olgeta. [Letem man i talem tingting blong hem.] Magasin ya i tokbaot sam trabol we yumi mas winim taem yumi lukaot long ol anamol. Mo hem i tokbaot promes blong God, se i gat taem i stap kam we olgeta anamol bambae oli kwaet, we ol narafala anamol mo ol man oli no moa save fraet long olgeta.” Ridim Aesea 11⁠:​6-9.

Wajtaoa Maj 1

“Wan man i bin askem long Jisas Kraes se: ‘?Wanem loa blong God we i nambawan blong folem?’ Traem luk ansa we Jisas i givim long hem. [Ridim Mak 12⁠:​29, 30.] ?Yu yu bin tingbaot mining blong tok ya blong Jisas? [Wet long ansa.] Stori ya ‘Olsem Wanem Yumi Soem Se Yumi Lavem God’ i tokbaot mining blong tok ya.”

Wekap! Jen./Maj (Bislama)

“Tede ol man oli stap kasem plante sik. Ol bebet nao oli givim sik mo mekem man i ded. ?Yumi save mekem wanem blong lukaotgud long helt blong yumi? [Wet long ansa. Nao ridim 1 Korin 7⁠:1.] Stori ya ‘Sikis Rod Blong Lukaotgud Long Helt Blong Yu’ i givim gudfala advaes we i save halpem yu.”