?Yumi Tokbaot Wanem Long Ol Magasin?

Wajtaoa Feb. 1

“Ol enjel oli intres taem God i jes wokem wol ya mo biaen oli intres long ol man. [Ridim Job 38⁠:​4, 7.] ?Be olsem wanem tede? ?Ol enjel ya long heven oli save gat paoa long ol man we oli stap long wol?” Letem man i ansa mo soemaot haf we i stap long pej 4.

Wekap! Feb. (Franis/Inglis)

“Tede, ol man oli wosipim plante God. Be makem wanem we Jisas i talem long prea blong hem long saed blong Papa blong hem long heven. [Ridim Jon 17⁠:⁠3.] ?Sipos i gat wan trufala God nomo, olsem wanem long ol narafala god? [Letem man i ansa.] Haf ya i givim tingting blong Baebol long saed ya.” Tokbaot haf long pej 28-29.

Wajtaoa Maj 1

“Ating yu yu agri se wol blong yumi we God i wokem i nambawan. ?Be yu ting se hem i wokem wol ya blong hem i traem ol man long hem nao biaen oli save joenem ol spirit pikinini blong hem long heven blong mekem famle ya i kam bigwan moa? ?Sipos no, yu ting se God i gat wan stamba tingting long saed blong wol ya taem hem i wokem? [Letem man i ansa.] Plis ridim samting we Aesea i talem.” Ridim Aesea 45⁠:18 mo soemaot haf we i stap long pej 3.

Wekap! Jan./Mar. (Bislama)

“Taem yumi harem ol nius, yumi wari long saed blong fiuja. ?Olsem wanem? ?Bambae yumi mekem se wol ya i moagud blong ol yangfala we oli kam biaen long yumi? [Letem man i ansa.] Plis lukluk samting we magasin ya i talem.” Ridim smol tok we i stap aninit long pija long pej 9, wetem Ol Sam 119⁠:105. Biaen, maet yu save jusum sam poen long pej 8 we oli tokbaot ol las dei.