?Yumi Tokbaot Wanem Long Ol Magasin?

Wajtaoa Feb. 1

“Tede, plante man oli wari se bambae oli mekem wanem sipos oli lusum wok. Mo sam man oli luk se wok blong olgeta i mekem oli harem nogud tumas. ?Yu yu ting se i gat rod blong man i save holem wok blong hem mo stap glad long wok ya? [Letem man i ansa. Ale ridim Aesea 65:21-23.] Wajtaoa ya i tokbaot wan taem we evri man long wol bambae oli gat wan wok we oli save harem gud long hem.”

Wekap! Feb. 8 (Inglis/Franis)

“Wekap! ya i tokbaot wan rabis samting we i stap hapen long taem blong yumi. Hemia fasin blong salem pikinini blong i kam woman blong rod. Doti fasin ya blong mekem i nogud olgeta long pikinini, i wan samting we Baebol i promes se bambae i mas lus i no longtaem. [Ridim Ol Proveb 2:21, 22.] Magasin ya i soem wanem nao i pusum ol man blong mekem rabis fasin ya long ol pikinini mo hem i soemaot tu, olsem wanem bambae hem i finis.”

Wajtaoa Feb. 15

“Sam man oli wantem save sipos God i gat filing no tingting olsem man, no nogat. Sam narafala man oli talem se God i stap be oli ting se hem i farawe long olgeta. ?Yu yu harem toktok olsem finis? [Letem man i ansa.] Makemgud long ples ya from wanem i impoten blong save gud God mo ol fasin blong hem. [Ridim Jon 17:3.] Ol faswan haf blong magasin ya oli tokbaot moa long saed ya.”

Wekap! Jen./Maj (Bislama)

“Plante man oli ting se ol pleplei long kasino no plei laki i wan gudfala rod blong spel. Sam narafala oli ting se ol pleplei ya oli spolem famle mo ol man wanwan. Wekap! ya i tokbaot ol niufala save we oli faenemaot long saed blong ol plei laki. Mo tu, maet yu glad blong ridim ol rul blong Baebol long saed ya.” Blong soem wan eksampol, yu save ridim 1 Timoti 6:10.