?Yumi Tokbaot Wanem Long Ol Magasin?

Wajtaoa Feb. 15

“Samtaem, yumi harem stori we i talem se wan merikel i bin kamaot. [Talem wan eksampol.] Sam man oli bilivim ol stori olsem. Be sam narafala oli gat tu tingting long saed ya. Magasin ya i lukluk long saed blong ol merikel we Baebol i tokbaot se oli rili hapen no nogat, mo i tokbaot sipos ol merikel olsem oli save hapen tede.” Ridim Jeremaea 32⁠:⁠21.

Wekap! Feb. 22 (Inglis/Franis)

“Long taem bifo, God i givim oda long ol pikinini blong oli ona long mama blong olgeta sem mak olsem we oli ona long papa blong olgeta. [Ridim Eksodas 20⁠:12.] ?Yu yu ting se ol mama tede oli kasem stret ona long ol pikinini blong olgeta? [Letem man i ansa.] Magasin ya i tokbaot ol traem we ol mama oli fesem long ol defdefren ples long wol, mo olsem wanem oli stap winim ol traem ya.”

Wajtaoa Maj 1

“?Yu yu ting se laef long wol ya bambae i kamgud moa sipos olgeta man oli folem advaes ya? [Ridim Rom 12⁠:​17, 18. Letem man i ansa.] Sore tumas, be samtaem problem i save kamaot bitwin long tu man. Magasin ya i soemaot olsem wanem advaes blong Baebol i save givhan long yumi blong stretem ol problem mo mekem pis i stap bakegen.”

Wekap! Jen./Maj (Bislama)

“Plante man tede oli ting se oli mas gat strong fasin mo oli no mas sore long narafala. ?Yu yu ting se i stret blong mekem olsem? [Letem man i ansa. Biaen ridim 2 Timoti 2:24.] Haf we i stap long pej 20 blong magasin ya is soem se nomata sipos yumi bin gat wan had laef be yumi save gat kaen fasin.