?Yumi Tokbaot Wanem Long Ol Magasin?

Wajtaoa Maj 15

“?Yu yu agri se wol ya bambae i kam moa gud sipos ol man blong stret fasin oli rul long hem? [Letem man i ansa.] Plis yu makem promes we Baebol i givim. [Ridim Ol Sam 37:11.] Yumi save harem gud long pis olsem aninit long rul blong wan lida we i stretgud olgeta. Ol haf ya oli soemaot se Lida ya hem i hu.”

Wekap! Maj 22 (Inglis/Franis)

“Graon we i seksek i mekem plante man i ded mo i spolem plante samting. Plante man we oli laef tru long trabol ya oli lusum haos blong olgeta, mo oli no gat mane blong wokem narawan. Wekap! ya i soemaot olsem wanem ol man oli naf blong gohed long laef afta we graon i seksek bigwan. Hem i eksplenem tu olsem wanem graon we i seksek i wan profet tok blong Baebol we i impoten tumas.”

Wajtaoa Epr. 1

“Mi mi glad blong soemaot long yu wan gudfala tingting we i stap long Baebol. [Ridim Matiu 22:37.] ?Yu ting se hemia i minim wanem? [Letem man i ansa.] Makem haf ya ‘Lukaotem God Wetem Hat Mo Tingting Blong Yu.’ ?Olsem wanem? ?Trufala bilif i wan samting we i joen wetem hat nomo, no i joen wetem tingting tu? Ansa blong kwestin ya i save givhan gud long yu.”

Wekap! Epr./Jun (Bislama)

“Yumi evriwan i save long trabol ya we i mekem ol man long wol i seksek. Afta long samting ya, ol man oli nidim we narafala i leftemap tingting blong olgeta bigwan mo mekem olgeta oli harem gud bakegen. Haf ya i tokbaot trabol ya, mo i eksplenem wanem samting ol Witnes blong Jeova oli bin mekem blong givhan long ol man we oli laef tru long trabol ya, wetem ol man we oli wok blong givhan long ol narafala, mo olgeta we oli harem nogud from oli lusum wan we oli laekem hem tumas.”