?Yumi Tokbaot Wanem Long Ol Magasin?

Wajtaoa Epr. 15

“Nomata ol man oli laef long wanem ples, be oli intres long ol samting we i save mekem laef blong olgeta i gud, olsem faenem mo holemtaet wan gudfala wok. ?Be samtaem yu yu stap tingbaot se i gat wan stamba samting we i save mekem laef blong yu i gud mo i sef blong olwe? [Ridim Ol Sam 16:8, 9.] Wajtaoa ya i eksplenem wanem nao stamba samting we i save mekem yumi rili harem gud mo sef.”

Wekap! Epr. 22 (Inglis/Franis)

“Plante man tede oli stap livim jos blong olgeta blong mekem wosip long God long prapa wei blong olgeta. ?Wanem tingting blong yu long saed ya? [Letem man i ansa.] Baebol i soemaot se fasin blong yumi blong wosip i rili impoten long ae blong God. [Ridim Jon 4:24.] Wekap! ya i tokbaot beswan rod blong kasem ol samting we yu nidim long saed blong spirit.”

Wajtaoa Mei 1

“?Yu yu save wan man we i sik tumas no i harem nogud from we hem i handikap? Maet yu agri se ol man olsem oli nidim we yumi leftemap tingting blong olgeta. ?Be yumi save talem wanem blong mekem olgeta oli harem gud? Baebol i talem ol tok we i save mekem tingting blong olgeta i strong. [Ridim Aesea 35:5, 6.] Wajtaoa ya i eksplenem from wanem yumi save sua se profet tok ya bambae i kamtru.”

Wekap! Epr./Jun (Bislama)

“Plante man oli sapraes we God i letem rabis fasin i stap yet. ?Samtaem yu tu yu harem se God i mas hareap mo spolem ol rabis man wantaem nomo? [Afta we man i ansa, ridim Dutronome 32:4.] Haf we i stap long pej 22 blong Wekap! ya i tokbaot wanem samting Baebol i talem long saed blong longfala tingting blong God we i gat mak blong hem, mo from wanem hem i gat longfala tingting.”