Ol Samting We i Givhan Long Yumi Blong No Tekem Blad

Sekretari i mas gat inaf kad (long Franis mo Inglis) blong givimaot long taem ya, hemia ol kad ya: Advance Medical Directive/Release card mo Identity Card. Afta long miting, olgeta Witnes we oli baptaes finis oli save kasem wan kad ya, mo oli save karem Identity Card blong wanwan long ol pikinini blong olgeta we oli no baptaes yet.

Bifo we yufala i saen, meksua se yufala i fulumap stret evri samting we i nidim. Ol elda bambae oli mas meksua se evriwan i saenem mo putum det long ol kad blong olgeta. Wanwan brata we i lukaot long ol buk stadi i mas meksua we olgeta long grup blong hem oli mas kasem help we oli nidim blong fulumap kad ya.

Sipos i gat sam we oli no bin stap long buk stadi, mo oli wantem fulumap mo saenem kad blong olgeta, bambae oli save mekem olsem long nekis Miting blong Kingdom Wok. Ol elda oli mas jekem samting ya gogo olgeta pablisa we oli baptaes finis oli fulumap ol kad blong olgeta. (Lukluk bakegen long leta blong Novemba 5, 1997.)

Ol pablisa we oli no baptaes yet oli save yusum ol tok we oli stap long kad ya blong raetem prapa kopi blong olgeta mo ol pikinini blong olgeta sipos oli wantem.