?Yumi Tokbaot Wanem Long Ol Magasin?

Te Tule Le’o Mei 15

“?Yu yu bin tingbaot sipos ol samting we ol man oli mekem long wol oli save gat paoa long God? [Wet long ansa.] Makemgud wanem samting we fasin blong yumi i save mekem long ol filing blong God. [Ridim Ol Proveb 27⁠:11.] Magasin ya i tokbaot sam man we oli bin mekem God i glad, mo i talem olsem wanem yumi save mekem samting ya tu.”

Wekap! Mei 22 (Inglis/Franis)

“Ol dokta oli bin faenem plante gudfala meresin blong winim plante sik. ?Be yu ting se wol ya i save kam fri olgeta long ol sik? [Wet long ansa.] Magasin ya i tokbaot wan taem long fiuja we olgeta man blong wol bambae oli gat strong bodi, olsem Baebol i promes.” Ridim Aesea 33⁠:24.

Te Tule Le’o Jun 1

“Samfala oli ting se oli no nidim blong joen long wan jos, oli save wosipim God olgeta nomo. ?Yu yu bin tingbaot samting ya? [Wet long ansa.] Magasin ya i tokbaot fasin we God i mekem long ol man long taem bifo. Hem i tokbaot tu, olsem wanem yumi save wosipim God long trufala fasin.” Ridim Jon 4⁠:24.

Wekap! Eprel/Jun (Bislama)

“Plante man oli sapraes tumas blong luk se nem blong God, Jeova, i stap long Baebol we oli wokem long prapa lanwis blong olgeta. ?Be yu yu save wetaem ol man Pasifik oli stat blong yusum nem ya mo from wanem? [Letem man i ansa. Noa ridim Jon 17⁠:3] Long pej 16 blong Wekap ya bambae yu laekem tumas stori blong samting ya.”