?Yumi Tokbaot Wanem Long Ol Magasin?

Wajtaoa Mei 1

“Long wol tede, taem sam hasban mo waef oli fesem trabol, faswan samting we oli wantem mekem i blong finisim mared blong olgeta. Long plante kantri, namba blong ol divos i stap kam antap bitim mak. ?Samtaem yu yu stap tingbaot samting ya? [Letem man i ansa. Biaen, ridim Matiu 19:6.] Magasin ya i eksplenem olsem wanem ol hasban mo waef oli save winim ol trabol.” Soem haf we i stat long pej 19.

Wekap! Epr./Jun (Bislama)

“?Yu yu harem nius long saed blong [tokbaot wan nius we ol man long ples blong yu oli wari long hem]? ?Wanem tingting blong yu long samting ya? [Letem man i ansa.] Hemia i mekem yumi tingbaot laef long wol ya se i stap kam olsem wanem. Profet tok blong Baebol i tokbaot ol samting ya olsem pruf se yumi stap long ol las dei.” [Ridim Matiu 24:3, 7 mo openem magasin i go long pej 8.]

Wajtaoa Jun 1

“Klosap evri dei yumi harem nius blong olgeta we oli stap mekem ol rabis samting. [Tokbaot wan nius we ol man long ples blong yu oli save long hem.] ?Olsem wanem? ?Samtaem yu stap tingbaot sipos i gat wan rabis man we yumi no save luk, we i gat paoa long tingting blong ol man? [Letem man i ansa. Biaen, ridim Revelesen 12:12.] Magasin ya i eksplenem olsem wanem yumi save lukaotgud long yumi wan.”

Wekap! Epr./Jun (Bislama)

“?Yu yu ting se ol tijing blong Jisas oli stret long taem blong yumi? [Letem man i ansa.] Makem tok we Jisas i talem long ples ya. [Ridim Matiu 18:2-4 mo openem magasin i go long pej 30.] Haf ya i soem from wanem wan man i gat paoa taem hem i gat tingting daon.”