?Yumi Tokbaot Wanem Long Ol Magasin?

Wajtaoa Mei 1

“Sam man oli bilif se wan plan i stap finis long saed blong fiuja blong yumi, be ol narafala oli ting se yumi nomo yumi jusumaot fiuja blong yumi. ?Wanem tingting blong yu? [Letem man i ansa.] Traem luk wanem samting we Baebol i talem we i save pulum intres blong yumi. [Ridim Prija 9:11.] Magasin ya i tokbaot ansa blong Baebol long saed blong kwestin ya se, ‘?Evri Samting Long Laef Blong Yumi i Stap Finis Long Wan Plan?’” Tokbaot haf we i stap long pej 18.

Wekap! Eprel-Julae

“Evri samting raonabaot long wol ya i pruvum se wol ya i blong sapotem ol laef samting. ?Wanem tingting blong yu? ?Yu bilif se ol samting ya oli kamaot olsem nomo, no God i wokem olgeta? [Letem man i ansa.] Plante man oli agri wetem tok blong Baebol. [Ridim Ol Sam 104:24.] Magasin ya i tokbaot tingting blong saens mo Baebol we i pruvum se God i wokem olgeta samting.”

Wajtaoa Jun 1

“?Long tingting blong yu, from wanem i had long sam man blong oli bilif long God? [Letem man i ansa.] Baebol i talem se i impoten blong gat bilif. [Ridim Hibrus 11:6.] Magasin ya i tokbaot fo rod blong mekem bilif blong yumi i strong moa.”

Wekap! Eprel-Julae

“?Long tingting blong yu, wanem sam long ol traem we ol yangfala oli fesem tede? [Letem man i ansa.] Baebol i makem wan traem, hemia blong faenem ol gudfala fren. [Ridim Ol Proveb 13:20, mo soem haf we i stap long pej 18.] Magasin ya i tokbaot olsem wanem fasin blong ol yangfala blong jusum ol gudfala fren i save protektem olgeta.”