?Yumi Tokbaot Wanem Long Ol Magasin?

Wajtaoa Mei 1

“?Wanem tingting blong yu, yu ting se wan dei bambae ol rabis fasin i finis? Baebol i givim klia ansa blong kwestin ya. [Ridim Sam 104:35.] Vas ya i soem se God “bambae i brumumaot ol man nogud oli gowe long wol ya, we bambae i no moa gat wan long olgeta i stap.” Ale be sipos i olsem, ?hu bambae i stap long wol ya? [Letem man i ansa] Magasin ya i soemaot olsem wanem yumi save sef long taem we God i spolem ol man nogud.”

Wekap! Epr./Jun

“Plante man oli bilif long saed blong gudlak mo badlak. ?Samtaem yu bin tingbaot, se wanem nao i biaen long ol bilif olsem? [Afta we man i ansa, ridim 2 Korin 11:14.] Magasin ya i givim tingting blong Baebol long saed blong ol bilif blong gudlak mo badlak.” Tokbaot haf we i stat long pej 14.

Wajtaoa Jun 1

“Plante man oli talem se bambae oli bilif nomo long wan samting sipos oli luk samting ya long ae blong olgeta. ?Yu yu agri wetem olgeta? [Letem man i ansa. Mo ridim Rom 1:20.] Magasin ya i tokbaot tri long ol fasin blong God we yumi save luk klia long ol samting we hem i wokem mo magasin ya i tokbaot olsem wanem save we yumi gat long ol fasin ya i save givhan long yumi.”

Wekap! Epr./Jun

“I klia se fasin blong tok swea long man i stap kam antap tede. ?Samtaem yu stap tingbaot se fasin blong tok swea long man i wan nogud fasin no i oraet nomo? [Letem man i ansa. Mo ridim Sam 19:14.] Magasin ya i givim sam save long yumi blong blokem fasin blong tok swea.” Tokbaot haf we i stat long pej 16.