?Yumi Tokbaot Wanem Long Ol Magasin?

Wajtaoa Jun 15

“?Ating yu yu luksave se ol samting blong wol ya i mekem se i no isi blong tijim ol pikinini blong yumi? [Wet long ansa.] Traem harem promes we Baebol i mekem long ol papa mama se oli save win long wok ya. [Ridim Ol Proveb 22⁠:6.] Wajtaoa ya i givim ol gudfala advaes blong halpem ol papa mama blong mekem hadwok ya.”

Wekap! Eprel/Jun (Bislama)

“Plante man oli wantem folem ol fasin we oli no stret, maet oli slef nomo long ol fasin olsem plei laki, smok tabak, tekem drag, dring bitim mak, mo slip olbaot. [Ridim Rom 7⁠:21.] ?Yu ting se yumi save blokem ol tingting we oli pulum yumi blong wantem ol samting ya? [Wet long ansa.] Magasin ya i eksplenem gud long pej 20 mo 21, olsem wanem samfala oli bin winim traem ya. Mi save se bambae yu glad blong ridim.”

Wajtaoa Julae 1

“Taem wan man i ded no i gat wan disasta no aksiden, plante man oli askem kwestin ya se: ‘?God i rili kea long ol man? ?Hem i stap luk ol trabol we oli mekem man i safa?’ ?Olsem wanem? ?Yu tu yu bin askem ol kwestin ya? [Wet long ansa.] Magasin ya i tokbaot samting we God i mekem tede blong soem se hem i kea long yumi, mo olsem wanem hem i mekem rod blong tekemaot ol trabol we oli mekem yumi safa.” Ridim Jon 3⁠:16.

Wekap! Julae 8 (Inglis/Franis)

“Plante man oli ting se yangtaem blong yumi i wan taem blong glad, be tu hem i wan taem we yumi mas winim plante traem. ?Yu yu tingting olsemia? [Wet long ansa.] Magasin ya i tokbaot ol jenis we oli kamaot long laef blong ol yangfala. Mo tu, hem i givim waes advaes we i save halpem ol yangfala blong haremgud long yangtaem blong olgeta.” Ridim Prija 12⁠:1.