?Yumi Tokbaot Wanem Long Ol Magasin?

Wajtaoa Jun 1

“?Yu yu ting se bambae yu glad blong laef long taem we ol tok long vas ya bambae oli kamtru? [Ridim 2 Pita 3⁠:13. Biaen, letem man i ansa.] Magasin ya i eksplenem mining blong tok ya niufala skae mo niufala wol. Hem i eksplenem tu olsem wanem laef bambae i jenis taem God i mekem stamba tingting blong hem i kamtru long wol ya.”

Wekap! Jun (Franis/Inglis)

“?Yu yu agri se ol disasta we oli hapen i no longtaem oli soemaot se i impoten we yumi lesin long ol woning? [Letem man i ansa.] Haf ya i tokbaot wanem samting we ol man we oli laef tru long hariken Katrina, oli lanem. Mo tu, hem i tokbaot wan woning we yumi evriwan tede yumi mas lesin long hem.” Tokbaot haf we i stat long pej 14.

Wajtaoa Julae 1

“?Yu yu ting se yumi save glad, nating se yumi fesem plante trabol long laef? [Letem man i ansa.] Magasin ya i pulum tingting i go long stamba blong ol advaes we oli save givhan long yumi blong winim ol traem we yumi kasem long laef. Mo tu, hem i tokbaot trufala hop ya we i save givim paoa long yumi.” Ridim Revelesen 21⁠:​3, 4.

Wekap! Jul./Sept. (Bislama)

“Tede, plante moa mared oli kasem trabol. ?Yu yu ting se advaes ya we i kamaot long God i save givhan long ol hasban mo waef? [Ridim Efesas 4⁠:32. Biaen, letem man i ansa.] Wekap! ya i tokbaot ol rul blong Baebol we oli bin wok gud blong plante handred yia finis, mo we oli save givhan long yumi tede blong mekem mared blong yumi i hapi.”