?Yumi Tokbaot Wanem Long Ol Magasin?

Wajtaoa Okt. 15

“Sam man oli bilif se sipos oli gat moa mane, bambae laef blong olgeta i moa gud. ?Yu yu ting se samting ya i tru? [Letem man i ansa.] Makem wanem samting wan rij man i bin talem. [Ridim Prija 5:​10.] Magasin ya i tokbaot ol samting we oli moa impoten i bitim ol sas samting.”

Wekap! Okt. 22 (Inglis/Franis)

“Plante man oli talem se i impoten blong tijim ol pikinini taem oli smol yet. ?Yu yu ting se tede i nidim blong yumi mekem olsem? [Letem man i ansa. Nao ridim Ol Proveb 22⁠:6.] Magasin ya Wekap! i tokbaot sam samting we ol papa mama oli save mekem blong halpem ol pikinini blong olgeta blong oli kam ol man we oli gat gudfala fasin mo oli karem gudfala frut long laef blong olgeta.”

Wajtaoa Nov. 1

“Plante man oli no trastem ol lida tede se oli naf blong stretem ol problem blong olgeta. ?Yu yu ting se i gat wan we i save mekem ol samting we ol vas ya i talem? [Ridim Ol Sam 72:​7, 12, 16. Nao letem man i ansa.] Magasin ya i eksplenem se lida ya hem i hu mo wanem samting bambae hem i mekem.”

Wekap! Okt./Dis. (Bislama)

“I nogud tumas se evri yia plante milian yangfala gel we oli no mared, oli gat bel. ?Yu yu agri? [Letem man i ansa.] Magasin ya i tokbaot ol samting we ol gel ya oli save mekem taem oli fesem ol trabol blong ol yangfala mama. Hem i tokbaot tu, wanem we ol papa mama oli save mekem blong givhan long ol yangfala blong olgeta blong blokem trabol ya.” Ridim 2 Timoti 3⁠:⁠15.