?Yumi Tokbaot Wanem Long Ol Magasin?

Wajtaoa Okt. 1

“?Yu ting se wanem impoten samting we i save mekem se laef blong yumi i gat mining? [Letem man i ansa, mo ridim Ol Sam 150:6.] Magasin ya i eksplenem olsem wanem laef blong yumi i save gat mining taem yumi presem Jeova.” Tokbaot haf we i stat long pej 16 mo ridim haf 2.

Wekap! Okt./Dis.

“?Wanem tingting blong yu? ?Yu ting se hem i plan blong God blong mekem ol disasta? [Letem man i ansa mo ridim Dutronome 32:4.] Magasin ya i soemaot from wanem God i letem ol disasta oli hapen. Mo tu, magasin ya i givim sam gudfala advaes long yumi olsem wanem blong protektem famle blong yumi long taem blong ol disasta.” Tokbaot haf we i stap long pej 20.

Wajtaoa Nov. 1

“Plante man oli no save wanem bambae i hapen long fiuja, taswe oli ting se i moagud blong tingbaot laef blong tede nomo mo harem gud long hem. ?Wanem tingting blong yu? [Letem man i ansa.] Maet bambae yu intres blong ridim tingting blong Jisas long saed ya. [Ridim Matiu 6:34.] Magasin ya i eksplenem olsem wanem yumi save plan gud long saed blong fiuja blong yumi, mo long semtaem yumi no wari tumas from.”

Wekap! Okt./Dis.

“Plante man oli talem se: ‘Mi mi bilif mo mi lavem God, be mi les blong go long jos.’ ?Yu stap gat ol filing olsemia tu? [Letem man i ansa, mo ridim Ol Sam 95:1, 6.] Wekap! ya i soemaot wanem nao stamba blong trufala glad long wosip blong yumi.” Tokbaot haf we i stap long pej 10.