?Yumi Tokbaot Wanem Long Ol Magasin?

Wajtaoa Okt. 15

“?Bambae i nidim wanem blong mekem se wol ya i kam moagud mo i hapi? [Letem man i ansa.] Ol man oli traem plante defdefren kaen gavman, blong mekem se laef i kam gud moa. Be, traem luk tingting blong God long saed ya. [Ridim Jeremaea 10:23.] Haf blong magasin ya ‘Rod Blong Wokem Wan Hapi Wol,’ i soem olsem wanem samting ya bambae i kamtru i no longtaem.”

Wekap! Okt. 22 (Inglis/Franis)

“?Yu yu agri we ol man tede oli stap kasem moa trabol mo wari bitim bifo? [Letem man i ansa.] Baebol i bin talem we samting ya bambae i hapen. [Ridim 2 Timoti 3:1.] Plante man oli faenem se laef i had tumas nao tingting blong olgeta i foldaon. Magasin ya i rili leftemap tingting blong man. Hem i soem olsem wanem yumi save faet agens long tingting we i foldaon, mo olsem wanem yumi save mekem se yumi glad blong laef.”

Wajtaoa Nov. 1

Afta we yu talem wan nogud nius we i kamaot, askem se: “?From wanem ol man oli mekem ol nogud samting olsem? Yumi evriwan i save wanem i stret mo wanem i no stret, be ol man oli gohed yet blong mekem ol rabis samting. ?From wanem? [Letem man i ansa mo ridim Revelesen 12:9.] Magasin ya i eksplenem olsem wanem yumi protektem yumi wan taem yumi holem wan tingting we i save jajem yumi.”

Wekap! Okt./Dis. (Bislama)

“!Wol Helt Ogenaesesen i talemaot se ‘olgeta man oli gat raet’ blong kasem gud helt! ?Bambae yu glad sipos yu mo famle blong yu i save gat gudfala helt? [Letem man i ansa mo ridim Aesea 33:24.] Magasin ya i tokbaot wan nambawan promes blong fiuja se bambae olgeta man oli kasem gud helt.”