?Yumi Tokbaot Wanem Long Ol Magasin?

Wajtaoa Okt. 15

“Plante man oli luk hae edukesen olsem rod blong kasem plante gudfala samting long laef. ?Yu yu ting se i gat wan kaen edukesen we i save givhan long man blong i kam gud moa long fasin blong hem, mo blong i save winim ol problem long laef? [Letem man i ansa. Biaen, ridim Rom 12⁠:⁠2.] Magasin ya i eksplenem olsem wanem edukesen we i beswan i save givhan long yumi.”

Wekap! Okt. 22 (Franis/Inglis)

“Klosap evri dei, plante man oli glad blong ridim niuspepa. ?Yu yu ting se yumi save trastem ol save we i kamaot long ol niuspepa? [Letem man i ansa.] Wekap! ya i halpem yumi blong save olsem wanem niuspepa i save givhan long yumi. Hem i soemaot tu from wanem yumi mas lukaotgud.” Ridim Ol Proveb 14⁠:⁠15.

Wajtaoa Nov. 1

“Plante man tede oli harem nogud taem oli luk we ol man oli mekem i no stret long ol narafala. ?Yu ting se wan man i save jenisim wol ya? [Letem man i ansa.] Magasin ya i tokbaot ol samting we i mekem i had blong jenisim wol ya. Hem i soemaot tu se hu bambae i jenisim, mo olsem wanem bambae hem i mekem se trufala pis mo seftaem i stap long wol.” Ridim Ol Sam 72⁠:​12-14.

Wekap! Okt./Dis. (Bislama)

“Fulap trabol i kamaot taem ol man oli dring bitim mak. Magasin ya i soemaot se dring i save mekem wanem long bodi blong man. [Soemaot pija long pej 7.] Ol haf ya oli tokbaot olsem wanem ol man oli save lego fasin ya blong dring bitim mak, mo olsem wanem ol narafala oli save givhan.”