Mekem Wan Program Blong Famle We i Save Wokgud
1 Taem Jisas i mekem Toktok blong hem antap long Hil, hem i pusum ol man we oli lesin long hem blong mekem olsem: “Yufala i mas gohed blong lukaot Kingdom mo stret fasin blong hem fastaem.” (Mat. 6:33, NW ) Wan gudfala rod we i save mekem se famle i putum ol samting long saed blong spirit fastaem long laef blong olgeta, hemia blong raetem wan program. Tekem smol taem blong raetem program blong famle blong yu. Yu save yusum ol klia spes long pej 6 blong Kingdom Wok Blong Yumi. Blong mekem olsem, maet famle i wok tugeta blong mekem no droem sam pija, mo putum i go long program. Maet sam narafala oli laekem moa blong raetem daon ol defren wok we famle i mas mekem.
2 Maet program we i stap daon i save halpem yu blong yu mekem program blong famle blong yu. Bambae yu luk we i gat fo stamba wok nomo long hem: (1) joen long ol miting blong kongregesen, (2) famle i prij, (3) famle i stadi, mo (4) ridim vas blong dei. Sipos yu putum ol wok ya insaed long program blong yu, hemia i save givhan long yu blong yu save gud “wanem fasin we i stret gud olgeta blong yufala i save jusumaot.” (Fil. 1:10) Sam moa advaes long saed blong ol fofala wok ya oli kamaot long pej 4 mo 5.
3 I no nid blong program blong famle blong yu i karem ol fofala wok ya nomo. Sipos yu mo famle blong yu, yufala i mekem rere sam miting tugeta, i gud yu raetem daon samting ya long program blong yufala. Sipos yufala i ridim wan haf blong Baebol afta we yufala i ridim vas blong dei tugeta, no long wan narafala taem, raetem daon samting ya tu long program. Sipos yufala i gat wan taem blong mekem sam pleplei, no spel smol, maet yu wantem putum samting ya long program blong yufala tu.
4 Mekem program i laenap wetem nid mo laef blong evriwan long famle blong yu. Jekem oltaem blong luk sipos program ya i wokgud, mo sipos i nidim, mekem sam jenis long hem.
[Tok blong pija long pej 3]
Eksampol Blong Wan Program Blong Famle
(Lukluk niuspepa)
[Tok blong pija long pej 6]
Program Blong Famle
(Lukluk niuspepa)