?Yumi Tokbaot Wanem Long Ol Magasin?

Wajtaoa Jun 15

“Plante long yumi bambae i spenem bighaf blong laef blong yumi long wok. Samfala oli luk wok olsem wan blesing, sam narafala oli luk wok olsem wan panis. ?Wanem tingting blong yu? [Letem man i ansa. Biaen ridim Prija 2⁠:24.] Magasin ya i soemaot olsem wanem Baebol i save givhan long yumi blong gat stret tingting long saed blong wok. Hem i tokbaot tu olsem wanem blong winim ol wari we oli kamaot from wok.”

Wekap! Eprel/Jun (Bislama)

“?Yu yu agri se i hadwok blong trenemgud ol pikinini tede? [Letem man i ansa. Biaen ridim Ol Proveb 22⁠:⁠6.] Haf ya i tokbaot wanem samting ol papa mama oli save mekem blong givim ol samting we pikinini blong olgeta i nidim.”

Wajtaoa Julae 1

“Yumi evriwan i save sam man we oli gat evri samting, be oli harem se oli mestem wan samting yet long laef blong olgeta. ?Long tingting blong yu, wanem samting oli stap lukaotem? [Letem man i ansa. Biaen ridim Matiu 5⁠:⁠3.] Magasin ya i tokbaot wan impoten samting we i save putum pis long tingting blong yumi​—⁠hemia se yumi mas kasem ol samting we yumi nidim long saed blong spirit.”

Wekap! Julae 8 (Inglis/Franis)

“Long wol tede we plante bigfala bisnes oli stap traem blong winim ol narafala bisnes, fulap man oli no save faenem wan wok. Magasin ya i tokbaot faef impoten samting we i save givhan long yumi blong faenem wan wok. [Tokbaot ol smol stamba tok we oli stap long blak raeting aninit long haf ya “Five Keys to Finding a Job (Faef Impoten Rod Blong Faenem Wan Wok).”] Hem i givimaot ol gudfala advaes tu long saed blong olsem wanem yumi save holemtaet wok we yumi gat.” Ridim Ol Proveb 22⁠:​29, we i stap long pej 10.