?Yu Yu Stap Yusum Smol Pepa We i Tokbaot Ol Miting?

Wan dei, wan boe we i gat 11 yia, i faenem wan smol pepa we i tokbaot wan pablik tok long saed blong hel. Sam yia biaen, hem i tingtingbak mo i talem se: “I luk olsem se oltaem nomo mi bin mekem ol samting we i no stret, mo mi bin wari tumas se bambae mi go long hel taem mi ded. From samting ya, mi mi rili intres long pablik tok ya.” Smol boe ya i go lesin long pablik tok ya, hem i mekem Baebol stadi, mo samwe long wan yia biaen long pablik tok ya, hem i tekem baptaes. Hemia nao stat blong Kristin laef blong Karl Klein, we biaen hem i wok plante yia olsem wan memba blong Hed Kampani blong ol Witnes blong Jeova. Wan smol pepa nomo i statem samting ya.

Tede ol smol pepa ya oli stap yet olsem wan gudfala tul blong givhan long yumi long wok blong prij. Plante pablisa oli luk se taem oli givim smol pepa ya long man, hemia i wan gudfala rod blong talemaot se olgeta oli hu mo blong statem storian. Ol papa mama oli save mekem ol smol pikinini blong olgeta oli givimaot ol smol pepa ya long wok blong prij. Ol pablisa we oli raetem ol leta blong prij long ol narafala, oli save putum smol pepa ya we i tokbaot ol miting i go insaed long leta tu. Mo tu, ol smol pepa ya oli wan gudfala rod blong singaotem ol Baebol studen mo ol narafala we oli intres, oli kam long ol miting blong yumi.

?Yu yu stap yusum gud smol pepa ya long wok blong prij?