?Yumi Tokbaot Wanem Long Ol Magasin?

Wajtaoa Sept. 15

“Plante man long wol oli save long saed blong Jisas Kraes. Samfala oli talem se hem i wan spesel man nomo we i pulum tingting blong ol man long ol yia we oli pas. Be sam narafala oli wosipim hem olsem we hem i God ya we i Hae Olgeta. ?Yu yu ting se Jisas hem i hu? [Letem man i ansa.] Magasin ya i eksplenem klia se hem i hu, hem i kamaot long weples, mo hem i stap wea naoia.” Ridim Jon 17⁠:⁠3.

Wekap! Jul./Sept. (Bislama)

“?Yu yu harem finis tok ya ‘Amagedon’? [Letem man i ansa.] Plante man oli fraet long tok ya from we oli tingbaot Amagedon olsem wan bigfala trabol we bambae i mekem olgeta man long wol oli lus. Long pej 30 blong magasin ya, i eksplenem Amagedon se hem i wan samting we i defren olgeta.” Ridim Ol Sam 37⁠:⁠34.

Wajtaoa Okt. 1

Ridim kwestin we i stap long fored blong magasin. Nao askem se: “?Yu yu save se hemia i stap tokbaot wanem saen? [Letem man i ansa. Biaen, ridim Matiu 24⁠:⁠3.] Wajtaoa ya i tokbaot faef impoten haf blong saen ya, mo i eksplenem from wanem yumi mas luksave olgeta.” Soem bokis long pej 6.

Wekap! Okt./Dis. (Bislama)

“Fulap trabol i kamaot taem ol man oli dring bitim mak. Magasin ya i soemaot se strong dring i mekem wanem long bodi blong man. [Soemaot pija long pej 7.] Ol haf ya oli tokbaot olsem wanem ol man oli save stopem fasin ya blong dring bitim mak, mo olsem wanem ol narafala oli save givhan.”