Ansa Long Wan Kwestin

◼ ?I stret we yumi putum prapa e-mail adres blong yumi long ol buk we yumi seremaot?

Sam pablisa oli yusum stam no oli printim prapa e-mail adres blong olgeta blong putum long magasin mo traket we oli givimaot long ol man. Oli ting se sipos oli mekem olsem, olgeta we oli tekem magasin ya bambae oli gat janis blong kontaktem pablisa ya blong kasem moa save. Ol pablisa ya oli ting se hemia i wan gudfala rod blong givhan long olgeta we oli intres. Be, yumi gat adres blong websaet blong Sosaeti i stap finis long bak blong ol magasin mo traket. Taswe, i moagud yumi no putum prapa e-mail adres blong yumi long ol buk we yumi seremaot.

Sipos wan pablisa i wantem se wan man long teritori i kontaktem hem, hem i save raetem adres blong hem long wan defren pepa. Hemia i desisen blong hem wan, speseli sipos hem i gat tingting blong go visitim man ya bakegen. Yumi nao yumi mas gobak long ol man we oli intres, bitim we yumi jes lego adres blong yumi blong oli kontaktem yumi blong kasem moa save. Intres blong man bambae i gru moa sipos yumi wan i go stret blong storian long man.