Yumi No Moa Mekem Vas Blong Dei Long Ol Miting Blong Wok Blong Prij

Long ol miting blong wok blong prij, samtaem i gat wan smol storian long saed blong vas blong dei sipos i tokbaot wok blong prij. Be naoia i gat sam jenis long saed ya. Ol brata bambae oli no moa yusum buklet ya Ridimgud Ol Tok Blong Baebol Evri Dei long ol miting blong wok blong prij. Sem mak olsem bifo, ol brata oli save yusum Baebol, Kingdom Wok Blong Yumi, buk ya Benefit From Theocratic Ministry School Education, Reasoning buk, mo ol narafala samting we i tokbaot wok blong prij. Olgeta we oli gat wok ya blong lidim grup, oli mas rere gud mo oli mas tokbaot sam samting we i save givhan long evriwan we i go prij long dei ya. Olsem bifo, miting blong wok blong prij i no mas bitim 10 no 15 minit, mo bambae i sot moa, sipos oli mekem afta long miting blong kongregesen.