?Yumi Yusum Pepa Ya Please Follow Up (S-43) Olsem Wanem?

Yu mas fulumap pepa ya taem yu faenem wan man we i intres, be hem i no stap long teritori blong yu no hem i toktok narafala lanwis. Bifo, yumi fulumap pepa ya taem yumi mitim eniman we i toktok narafala lanwis, nating se hem i intres no nogat. Be naoia, yumi fulumap pepa ya nomo taem man i soemaot se hem i intres. Long saed blong ol man we sora blong olgeta i fas, yumi mekem i defren. Taem yumi mitim man we sora blong hem i fas, yumi mas fulumap pepa ya S-43, nating se man ya i intres no nogat.

?Taem yu fulumap pepa ya finis, yu mas mekem wanem long hem? Yu mas givim pepa ya long brata we i sekretari blong kongregesen blong yu. Sipos hem i save weswan kongregesen i stret blong givhan long man ya, bambae hem i sanem pepa ya i go long ol elda blong kongregesen ya, nao olgeta oli save mekem plan blong givhan long man ya. Be sipos brata we i sekretari i no save se hem i mas sanem pepa ya i go long weswan kongregesen, hem i mas sanem pepa ya i go long branj ofis.

Sipos man we i intres i toktok narafala lanwis mo i stap long teritori blong yu, yu save gohed blong visitim hem blong mekem intres blong hem i kam bigwan moa, gogo wan pablisa long kongregesen we i toktok lanwis blong man ya i visitim hem.—Lukluk Kingdom Wok Blong Yumi, blong manis Novemba 2009, pej 4.