?Hem i Klin Mo i Niu?

I gud yumi tingbaot kwestin ya taem yumi wantem givimaot wan buk no magasin long wok blong prij. Sipos ol pej blong ol buk mo magasin we yumi wantem seremaot, oli benben, oli lusum kala, oli doti, no oli brokbrok, ol man bambae oli gat nogud tingting long ogenaesesen blong Jehova. Mo tu, tingting blong olgeta bambae i no stap long ol nambawan tok long ol buk mo magasin ya, we i save sevem laef blong olgeta.

?Yumi save mekem wanem blong ol buk mo magasin blong yumi oli stap klin mo oli no brokbrok? Samting we i givhan long plante pablisa, se insaed long basket blong prij, oli putum ol buk wanples, ol magasin mo ol buklet wanples, mo ol traket wanples. Taem oli putum Baebol mo ol buk blong olgeta oli gobak long basket, oli lukaot se oli no benem mo brekem ol narafala buk. Sam pablisa oli putum ol buk mo magasin blong olgeta insaed long wan folda no wan plastik. Nomata wanem rod we yumi yusum, be yumi no wantem givimaot ol buk mo magasin we oli benben, brokbrok, mo doti, nao ol man bambae oli gat rabis poen long wok blong prij.—2 Kor. 6:3.