“Bambae Mi Karem Buk Blong Yu, Sipos Yu Tekem Buk Blong Mi”

Hemia toktok blong sam man we yumi prij long olgeta. Yumi no stap jenisim ol buk blong yumi wetem ol narafala buk we oli tijim ol giaman tijing. Taswe, ?olsem wanem yu save ansa long man we i talem tok ya long yu? (Rom 1:25) Yu save talem se: “Tangkiu tumas we yu wantem givim buk ya long mi. ?Be, buk blong yu i talem wanem long saed blong ol trabol we man i fesem? [Yu letem man i ansa. Sipos man ya i talem long yu se, yu mas ridim buk ya blong faenem ansa. Yu save talem long hem se: ‘Mi mi soemaot long yu, samting we magasin blong mifala i tokbaot.’ Biaen, yu ridim Matiu 6:9, 10.] Jisas i talem se Kingdom blong God bambae i mekem ol samting we God i wantem, oli kamtru long wol. I gat wan skul nomo, we i stap givimaot ol buk we oli tokbaot Kingdom blong God. ?Yu glad sipos mi soemaot long yu long Baebol, samting we Kingdom blong God bambae i mekem i kamtru?”