?Yu Save Askem Hu Blong i Folem Yu?

Plante pablisa oli no save prij plante, from we oli olfala, no maet oli sik. (2 Kor. 4:16) ?Olsem wanem? ?Yu save askem long wan pablisa olsem i folem yu long stadi blong yu? Sipos wan pablisa i olfala we i no save kamaot long haos blong hem, i gud yu tekem Baebol stadi blong yu, yutufala i go stadi long haos blong hem. ?Yu yu save mekem plan blong tekem wan pablisa we i sik, i folem yu long wok blong prij, no long wan no tu visit? Plante long ol olfala pablisa oli gat plante ekspiriens long wok blong prij. From samting ya, traehad we yu mekem, blong tekem olgeta oli folem yu, i no blong nating. Bambae yu yu givhan long olgeta, be olgeta tu, bambae oli givhan bigwan long yu. (Rom 1:12) Mo antap long samting ya, from we yu traehad blong soemaot long ol brata mo sista se yu lavem olgeta, Jehova bambae i blesem yu bigwan.—Prov. 19:17; 1 Jon 3:17, 18.