Kamgud Moa Long Wok Blong Prij—Yu Ansa Long Man We i Tok Blong Blokem Yu

?From Wanem i Impoten?: Yu traem tingbaot se wan disasta i stap kam. Sipos ol man oli no ronwe i go long sefples bambae oli ded. Ale yu go luk man we i stap long haos klosap long yu blong givim woning long hem, be hem i katem toktok blong yu, i talem se hem i bisi. !I sua se bambae yu gohed nomo blong givhan long hem! Plante man long teritori blong yumi, oli olsem man ya. Maet oli no wantem lesin long yumi, oli bisi mo oli no luksave se mesej we yumi stap talem i save sevem laef blong olgeta. (Mat. 24:37-39) No maet oli no laekem yumi from oli harem sam giaman stori. (Mat. 11:18,19) Maet oli ting se yumi sem mak nomo long ol narafala skul. (2 Pita 2:1, 2) Sipos man blong haos i no intres, yumi no mas kwik blong lego hem.