Kamgud Moa Long Wok Blong Prij—Yu Soemaot Olsem Wanem Blong Stadi Baebol Wetem Buk Ya, Baebol Tijim
?From Wanem i Impoten?: Plante man oli no kasem save, taem yumi talem long olgeta se yumi mekem Baebol stadi we i fri nomo. Maet oli ting se oli mas joen long wan grup, no oli stap long haos mo tekem sam kos blong stadi Baebol. I moa gud yumi soemaot olsem wanem blong stadi Baebol, i bitim we yumi askem man blong stadi Baebol. Nating sipos yu stanap long doa blong haos blong man, be long sam minit nomo yu save soemaot olsem wanem blong stadi long Baebol, long wan fasin we i isi mo i mekem man i glad.
Yu Traem Mekem Samting Ya Long Manis Ya:
Yu Prea long Jehova blong hem i blesem yu taem yu traehad blong statem wan niufala Baebol stadi.––Fil. 2:13.
Taem yu prij, i gud yu traem soemaot olsem wanem blong stadi Baebol wetem buk ya, Baebol Tijim, no yu soemaot video ya, ?Oli Mekem Baebol Stadi Olsem Wanem?