?Olsem Wanem Blong Yusum Tebol No Troli Blong Prij?

Taem yumi yusum wan tebol no troli blong prij, hemia i wok gud from we i pulum olgeta we hat blong olgeta i stret, blong oli kam long trutok. (Jon 6:44) From samting ya, i gud we ol elda oli mekem plan blong prij long ol pablik ples long teritori blong kongregesen, we plante man oli stap pas long hem. Plante taem i no nid blong yumi askem blong putum wan tebol no troli long wan ples, from we yumi save muvum ol tebol mo troli we yumi yusum. ?Hu i save joen long wok ya? Hemia ol pablisa we oli soemaot se oli save mekem gudfala desisen, oli werem ol klos we i soemaot se oli ona long narafala, mo oli gat gudhan blong storian. Ol haf we oli stap daon, oli tokbaot sam samting we pablisa i mas mekem, mo i no mas mekem. Hem i blong givhan long ol pablisa blong oli karem gudfala frut taem oli mekem wok ya.