Kamgud Moa Long Wok Blong Prij—Yu Prij Long Ol Stoa Mo Ofis
?From Wanem i Impoten?: Plante man oli spenem plante aoa long wok, taswe wan nambawan rod blong prij long olgeta hemia blong go long ples blong wok blong olgeta. Taem yumi prij long ol stoa mo ofis yumi save harem gud mo yumi save kasem gudfala frut. Hemia from we oltaem i gat man i stap, mo ol man we oli wok oli kaen long ol man from oli luk olgeta olsem kastoma blong olgeta. Blong mekem gud wok ya, ol pablisa oli mas waes mo oli mas soemaot we ol klos mo hea blong olgeta oli stret. (2 Kor. 6:3) Taswe elda we i lukaot long wok blong prij i mas save hamas taem we ol pablisa oli prij long ol stoa mo ofis, mo hu ol brata mo sista we oli joen long wok ya.
Yu Traem Mekem Samting Ya Long Manis Ya:
Long nekis Famle Wosip blong yufala, i gud yufala i rerem wan fastok we yufala i save yusum blong prij long ol stoa mo ofis.