Traem Kamgud Moa​—Prij Tru Long Kamera o Intakom

?FROM WANEM I IMPOTEN?: Naoia we teknoloji mo rabis fasin i kam antap, ol man oli fraet blong openem doa long wan strenja, ale oli putum ol video kamera mo ol intakom long ol doa blong hom blong olgeta. Hemia i mekem se oli stil save lukluk ol man mo toktok wetem olgeta, be oli no openem doa. Long taem olsem, maet yumi harem se i narakaen blong talemaot gud nius long wan man we yumi no save luk hem, be hem i save luk yumi. Ol haf ya daon bambae oli halpem yumi blong no fraet blong prij tru long wan kamera o intakom.

OLSEM WANEM BLONG MEKEM:

• Gat positif tingting. Plante man we oli gat ol kamera o intakom long haos blong olgeta, oli glad blong toktok wetem yumi

• Tingbaot se sam kamera oli save rikodem yu bifo we yu ringim bel long doa, mo man blong haos i save luk yu mo harem yu taem yu stap kam klosap long doa

• Taem man blong haos i ansa, i gud yu toktok stret long intakom o kamera ya olsem we yu toktok fes tu fes wetem man ya. I gud yu smael mo muvum bodi blong yu olsem we yu stap mekem oltaem. Talem samting we yu rerem finis blong talem long man sipos i openem doa. Sipos i gat wan kamera, yu no mas putum fes blong yu klosap tumas long hem. Sipos man blong haos i no ansa, yu no mas lego wan mesej

• Afta we yu finis blong storian wetem man blong haos, yu mas lukaot gud yet long ol toktok mo aksen blong yu, from we maet hem i stap lukluk mo lesin long yu yet