Tinghae Long Frensip Blong Yu Wetem Jehova

Ol Witnes Blong Jehova oli gat wan spesel privilej. Yumi ol Kristin we i givim laef i go long God mo baptaes, yumi gohed blong frengud wetem Hae Masta Jehova, mo mekem frensip ya i kam strong moa. Hem nao i pulum yumi tru long Pikinini blong hem. (Jon 6:44) Hem i lesin long ol prea blong yumi.—Sam 34:15.

?Olsem wanem yumi save protektem gudfala frensip blong yumi wetem God? Wan samting se, yumi no mas mekem sin we ol man Isrel oli bin mekem. Smoltaem afta we Jehova i mekem kontrak wetem olgeta, oli wokem wan smol buluk long gol mo oli wosipim. (Eks 32:7, 8; 1Ko 10:7, 11, 14) Maet yumi askem long yumi wan se: ‘?Bambae mi mekem wanem sipos wan samting i pulum mi blong mekem sin? ?Ol aksen blong mi i soem se mi tinghae long frensip blong mi wetem Jehova?’ Bigfala lav we yumi gat long Papa blong yumi long heven, bambae i halpem yumi blong ronwe long ol samting we hem i no laekem nating.—Sam 97:10.

WAJEM VIDEO YA LUKAOTGUD LONG FRENSIP BLONG YU WETEM JEHOVA (KOL 3:5), MO ANSA LONG OL KWESTIN YA:

• ?Kavetem samting i minim wanem?

• ?From wanem yumi mas sakemaot griri fasin mo fasin blong wosipim aedol?

• ?Olsem wanem adaltri i joen wetem wosip blong aedol?

• ?From wanem olgeta we oli gat tiokratik responsabiliti, oli mas kea long nid blong waef blong olgeta?