KAM GUD MOA LONG WOK BLONG PRIJ | KASEM MOA GLAD LONG WOK BLONG PRIJ
Halpem Ol Baebol Stadi Blong Kam Long Ol Miting
Ol miting oli wan impoten haf blong wosip. (Sam 22:22) Olgeta we oli joen wanples blong wosipim Jehova oli glad mo oli kasem blesing. (Sam 65:4) Ol Baebol stadi oli save gohed gud kwiktaem, taem oli kam oltaem long ol miting.
?Olsem wanem blong halpem ol Baebol stadi blong yu blong oli kam long ol miting? Gohed blong invaetem olgeta. Soem long olgeta, video ya ?Wanem i Stap Hapen Insaed Long Haos Kingdom? mo eksplenem ol gudfala samting we oli save kasem long ol miting. (lff lesen 10) Maet yu save serem wan poen we yu bin lanem long wan miting, o yu tokbaot samting we bambae oli tokbaot long nekis miting. Givim ol samting we bambae yumi yusum long ol miting long studen blong yu. Mo tu, sipos i nidim, maet yu save talem long hem se bambae yu kam pikimap hem blong go long miting. Traehad we yu mekem bambae i givhan bigwan long studen blong yu, long faswan taem we hem i kam long miting.—1Ko 14:24, 25.
WAJEM VIDEO YA HALPEM BAEBOL STADI BLONG YU BLONG I KAM LONG OL MITING, BIAEN ANSA LONG OL KWESTIN YA:
?Olsem wanem Neeta i tekem janis blong invaetem Jade blong i kam long miting?
?From wanem yumi glad taem Baebol studen blong yumi i kam long ol miting?
“I tru se God i stap wetem yufala”
?Jade i harem olsem wanem taem i go long faswan miting blong hem?