Halpem Baebol Stadi Blong i No Joen Wetem Ol Rabis Fren

Blong ol Baebol studen oli save fren wetem Jehova, oli mas jusum ol gudfala fren. (Sam 15:1, 4) Ol gudfala fren bambae oli pulum olgeta blong mekem samting we i stret.—Pro 13:20; lff lesen 48.

Taem yu stap halpem studen blong yu blong i lego ol rabis fren, yu mas soemaot se yu kasemsave filing blong hem. Maet bambae i had blong hem i lego ol rabis fren. Taswe yu mas soem intres long hem. Maet yu save teks o kolem hem, o go visitim hem. Taem studen blong yu i stap gohed gud, yu save invaetem hem blong i joen wetem ol man blong God. Olsem nao bambae hem i luksave se hem i kasem moa fren i bitim hemia we hem i lusum. (Mak 10:29, 30) Yu tu bambae yu kasem moa glad, taem yu luk se famle blong Jehova i stap kam bigwan.

WAJEM VIDEO YA HALPEM BAEBOL STADI BLONG YU BLONG I NO JOEN WETEM OL RABIS FREN, BIAEN ANSA LONG OL KWESTIN YA:

• ?Ol rabis fren oli olsem wanem?—1Ko 15:33

• ?Jade i tingbaot fasin joen blong ol Kristin se i olsem wanem?

• ?Olsem wanem Neeta i halpem Jade blong i faenem ol gudfala fren?