Bigfala Etkwek Long Teki Mo Siria—?Baebol i Talem Wanem?

Long Mande 6 Februari 2023, bigfala etkwek i kasem Teki mo Siria.

• “Long Mande, bitim 3,700 man i ded long wan bigfala etkwek we i kasem Teki mo notwes Siria. Ples i kolkol bitim mak, hemia i mekem i had moa long plante taosen man we oli kasem kil mo lusum haos blong olgeta. Mo tu, kolkol ya i mekem i had long olgeta we oli stap traehad blong faenem ol man we oli stap aninit long ol doti.”—Reuters, 6 Februari 2023.

Taem yumi ridim stori blong ol disasta olsem, yumi harem nogud tumas. Long taem olsem, yumi save lukluk i go long Jehova, “God ya we i mekem olgeta samting blong leftemap tingting blong man.” (2 Korin 3:1) “Yumi save gat hop from we Ol Tok Blong Baebol oli mekem yumi harem gud.”—Rom 15:4.

Hemia sam samting we yumi save lanem long Baebol:

• Profet tok long saed blong ol etkwek.

• Weples yumi save faenem hop mo tok blong leftemap tingting.

• Olsem wanem God bambae i finisim ol trabol ya we i mekem ol man oli safa.

Blong faenemaot samting we Baebol i talem long saed blong ol topik ya, yu save ridim ol atikol olsem:

• “Ol Bigfala Etkwek ?Profet Tok Blong Baebol i Talem Wanem?”

• “?Weples Mi Save Faenem Hop?”

• “God Bambae i Finisim Ol Trabol We i Mekem Man i Safa”